സംസ്ഥാന ഫിഷറീസ് വകുപ്പിന്റെ മേല്നോട്ടത്തില് ഉള്നാടന് സമ്പാദ്യ സമാശ്വാസ പദ്ധതിയില് 2026-27 വര്ഷം ചേരാന് താല്പര്യമുള്ള അംഗീകൃത മത്സ്യത്തൊഴിലാളികളില് നിന്ന് അപേക്ഷ ക്ഷണിച്ചു. 18 വയസ് പൂര്ത്തിയായവരും 60 വയസ് കഴിയാത്തവരും ഫിഷറീസ് ഇന്ഫര്മേഷന് മാനേജ്മെന്റ് സിസ്റ്റത്തില് രജിസ്റ്റര് ചെയ്തവരും മത്സ്യത്തൊഴിലാളി ക്ഷേമനിധി അംഗത്വമുള്ളവരുമായ പരമ്പരാഗത മത്സ്യത്തൊഴിലാളികള്ക്ക് അപേക്ഷിക്കാം.
മത്സ്യത്തൊഴിലാളി ക്ഷേമനിധി ബോര്ഡില് 2025 മാര്ച്ച് മാസം വരെ തുക അടച്ചതിന്റെ രസീത്, ക്ഷേമനിധി പാസ് ബുക്ക്, റേഷന്കാര്ഡ്, ഏതെങ്കിലും ദേശസാല്കൃത/ ഷെഡ്യൂള്ഡ് ബാങ്കില് അക്കൗണ്ട് എടുത്ത പാസ് ബുക്കിന്റെ പകര്പ്പ്, ആറ് മാസത്തിനകം എടുത്ത രണ്ട് പാസ്പോര്ട്ട് സൈസ് ഫോട്ടോ എന്നിവ സഹിതം തിരുവല്ല മത്സ്യഭവന് ഓഫീസില് 2026 ജനുവരി 28,29 തീയതികളില് രാവിലെ 11 മുതല് വൈകിട്ട് നാല് വരെ ഹാജരാകണം. ഫോണ് :0468 2967720,9400005123
