മുണ്ടക്കയം ഈസ്റ്റ്: ടി.ആർ ആൻഡ് ടി റബ്ബർ എസ്റ്റേറ്റിൽ പുലിയുടെ മുന്നിൽപ്പെട്ട തൊഴിലാളികൾ ഓടി രക്ഷപ്പെട്ടു. വ്യാഴാഴ്ച രാവിലെ എട്ടോടെയായിരുന്നു സംഭവം. കടമാങ്കുളം ഡിവിഷനിലെ 58-ഏക്കർ പ്രദേശത്ത് ടാപ്പിങ് ജോലി ചെയ്തു വരികയായിരുന്ന കടമാങ്കുളം പേഴകത്തുവയലിൽ സാബു(58), ഭാര്യ മിനി (56) എന്നിവരാണ് പുലിയെ നേരിട്ടുകണ്ടത്. സംഭവം അറിഞ്ഞതിനെ തുടർന്ന് പ്രദേശവാസികൾ ഭീതിയിലാണ്. കടമാങ്കുളത്ത് കെണി ഒരുക്കി കൂട് സ്ഥാപിക്കുമെന്ന് വനംവകുപ്പ് അറിയിച്ചു.
