ഡല്ഹി : മലയാളി മാധ്യമപ്രവര്ത്തകനായ സിദ്ദിഖ് കാപ്പന് ജാമ്യം അനുവദിക്കണമെന്ന ആവശ്യത്തില് ഉത്തര്പ്രദേശ് സര്ക്കാരിന് സുപ്രീംകോടതി നോട്ടീസ് അയച്ചു. കേരള പത്രപ്രവര്ത്തക യൂണിയന് സമര്പ്പിച്ച ഹര്ജിയിലാണ് ചീഫ് ജസ്റ്റിസ് എസ്.എ ബോബ്ഡെ അധ്യക്ഷനായ ബെഞ്ച് നടപടി സ്വീകരിച്ചത്. ഹര്ജി വെള്ളിയാഴ്ച വീണ്ടും പരിഗണിക്കും. ഹൈക്കോടതിയാണ് ഹര്ജി പരിഗണിക്കേണ്ടതെന്ന് ചീഫ് ജസ്റ്റിസ് എസ്.എ ബോബ്ഡെ ഇന്നും ആവര്ത്തിച്ചു.
റിട്ട് ഹര്ജികള് നിരുത്സാഹപ്പെടുത്താനാണ് ശ്രമിക്കുന്നതെന്നും കൂട്ടിച്ചേര്ത്തിട്ടുണ്ട്. അസാധാരണ സാഹചര്യമെന്നും മാധ്യമപ്രവര്ത്തകനാണെന്നും മുതിര്ന്ന അഭിഭാഷകന് കപില് സിബല് മറുപടി നല്കി. കാപ്പനെ കാണാന് അഭിഭാഷകനെയും കുടുംബാംഗങ്ങളെയും മജിസ്ട്രേറ്റ് അനുവദിക്കുന്നില്ലെന്നും കപില് സിബല് പരാമര്ശിച്ചു. ഹാത്റസിലേക്ക് പോകുകയായിരുന്ന കാപ്പന് അടക്കം നാല് പേരെ ഒക്ടോബര് അഞ്ചിനാണ് യു.പി പോലീസ് കസ്റ്റഡിയിലെടുത്തത്.
