ന്യൂഡല്ഹി: സ്വകാര്യ സ്കൂളുകളില് ഒഴിവുള്ള സാമ്പത്തികമായി പിന്നാക്കം നില്ക്കുന്ന വിഭാഗങ്ങളുടെ സീറ്റുകള് അടുത്ത അഞ്ച് വര്ഷത്തിനുള്ളില് ഘട്ടം ഘട്ടമായി നികത്തണമെന്ന ഡല്ഹി സര്ക്കാരിനോടുള്ള ഹൈക്കോടതി ഉത്തരവ് സുപ്രീം കോടതി റദ്ദാക്കി. സാമ്പത്തികമായി പിന്നാക്കം നില്ക്കുന്ന വിഭാഗങ്ങളിലെ 25 ശതമാനം സീറ്റുകള് പ്രഖ്യാപിത അംഗീകൃത എണ്ണത്തിന്റെയോ യഥാര്ത്ഥ പ്രവേശനത്തിന്റെയോ അടിസ്ഥാനത്തിലാണോ നികത്തുന്നത് എന്നതാണ് കോടതി പരിശോധിച്ചത്. ഇത് ഇടക്കാല ഉത്തരവിന്റെ വിഷയമായി കാണാനാവില്ല. ഹൈക്കോടതിയുടെ പരിഗണനയിലുള്ള ഇപ്പോഴത്തെ കേസിലെ വിഷയത്തില് അന്തിമ തീരുമാനമെടുക്കേണ്ടതുണ്ട്. അതിനാല് സീറ്റുകള് ഘട്ടംഘട്ടമായി നികത്തണമെന്ന ഹൈക്കോടതി നിര്ദ്ദേശം റദ്ദാക്കുകയാണെന്ന് ജസ്റ്റിസ് സഞ്ജയ്കിഷന് കൗള്, ജസ്റ്റിസ് എ.എസ് ഓക എന്നിവരടങ്ങിയ ബെഞ്ച് വ്യക്തമാക്കി.
