എറണാകുളം: ഡെപ്യൂട്ടി കളക്ടര്‍ക്കെതിരെ ഭൂമി തട്ടിപ്പ് ആരോപണവുമായി റവന്യൂ റിക്കവറി തഹസില്‍ദാര്‍ രംഗത്ത്. എഡിഎം ഷാജഹാനെതിരെയാണ് റവന്യൂ റിക്കവറി തഹസില്‍ദാര്‍ വിനോദ് മുല്ലശ്ശേരി ലാന്‍ഡ് റെവന്യൂ കമ്മീഷണര്‍ക്ക് പരാതി നല്‍കിയത്.ഭൂമി ഏറ്റെടുക്കാന്‍ നഷ്ടപരിഹാരത്തുക നല്‍കുന്നതില്‍ കൃത്രിമം കാണിക്കാന്‍ ഡെപ്യൂട്ടി കളക്ടര്‍ ആവശ്യപ്പെട്ടു എന്നും തട്ടിപ്പിനു കൂട്ടുനില്‍ക്കാത്തതിനാല്‍ പ്രതികാര നടപടി എടുത്തെന്നുമാണ് പരാതി. ഒരു കോടി രൂപയ്ക്ക് പകരം രേഖകള്‍ മറച്ചുവെച്ച്‌ 4 കോടി രൂപ നല്‍കാന്‍ ആവശ്യപ്പെട്ടു. അംഗീകരിക്കാതെ വന്നപ്പോള്‍ രണ്ട് തവണ സ്ഥലം മാറ്റിയെന്നും പരാതിയില്‍ പറയുന്നു. വ്യാജ കേസുകളുണ്ടാക്കി തന്റെ ഭാവി നശിപ്പിക്കാന്‍ ഡെപ്യൂട്ടി കളക്ടര്‍ ശ്രമിച്ചു എന്നും പരാതിയിലുണ്ട്.
