പത്തനംതിട്ട : ജില്ലാതല പട്ടികജാതി പട്ടികവര്ഗ വികസന സമിതി യോഗം കലക്ടറേറ്റ് കോണ്ഫറന്സ് ഹാളില് ജില്ലാ പഞ്ചായത്ത് പ്രസിഡന്റ് ജോര്ജ് എബ്രഹാമിന്റെ അധ്യക്ഷയില് ചേര്ന്നു. തദ്ദേശസ്വയംഭരണ തിരഞ്ഞെടുപ്പിന് മുമ്പ് സമയബന്ധതമായി പ്രവൃത്തികള് പൂര്ത്തീകരിക്കണമെന്ന് യോഗത്തില് പങ്കെടുത്ത ഡെപ്യൂട്ടി സ്പീക്കര് ചിറ്റയം ഗോപകുമാര് ഉദ്യോഗസ്ഥര്ക്ക് നിര്ദ്ദേശം നല്കി. പട്ടികജാതി വികസനത്തിന് 2025-26ല് കോര്പ്പസ് ഫണ്ടില് നിന്നും അനുവദിച്ച 81 ലക്ഷം രൂപയ്ക്ക് ആറ് പദ്ധതികളും വിജ്ഞാന വാടികളുടെ ഭൗതിക സാഹചര്യം മെച്ചപ്പെടുത്തുന്നതിന് 13 പദ്ധതികളും പട്ടിക വര്ഗ വികസനത്തിന് അനുവദിച്ച 71 ലക്ഷം രൂപയ്ക്ക് 17 പദ്ധതികളും യോഗം അംഗീകരിച്ചു.
പട്ടികജാതി വികസന പദ്ധതികളില് റോഡ് നിര്മ്മാണം, സംരക്ഷണഭിത്തി, വിജ്ഞാന വാടികളുടെ ഭൗതിക സാഹചര്യങ്ങള് മെച്ചപ്പെടുത്തല് എന്നീ പദ്ധതികള് അംഗീകരിച്ചു. പട്ടികവര്ഗ വികസന പദ്ധതികളില് ളാഹ, മഞ്ഞത്തോട് പ്രദേശങ്ങളില് കുടിവെള്ള വിതരണം, മഞ്ഞത്തോട് പ്രകൃതിയിലെ കുടുംബങ്ങള്ക്ക് വൈദ്യുതീകരണം, സാമൂഹ്യ പഠനമുറികളില് ഡിജിറ്റല് സൗകര്യം തുടങ്ങിയ പദ്ധതികള്ക്കും അംഗീകാരം നല്കി. ജില്ലാ കളക്ടര് എസ് പ്രേം കൃഷ്ണന്, ജില്ലാ പ്ലാനിംഗ് ഓഫീസര് (ഇന്ചാര്ജ്) ജി ഉല്ലാസ്, പട്ടികജാതി പട്ടികവികസന ഓഫീസര്, ജില്ലാതല ഉദ്യോഗസ്ഥര് തുടങ്ങിയവര് പങ്കെടുത്തു.
