പന്തളം : എം.എൻ. ഫാമിലി ഫൗണ്ടേഷന്റെയും ഓക്വെൻ ഫിനാൻഷ്യൽ സൊല്യൂഷൻസ് പ്രൈവറ്റ് ലിമിറ്റഡിന്റെയും സംയുക്ത ആഭിമുഖ്യത്തില് പന്തളം മങ്ങാരം ഗവൺമെന്റ് യു.പി.സ്കൂളിലെ മുഴുവൻ വിദ്യാര്ത്ഥികള്ക്കും സ്കൂൾ ബാഗുകൾ വിതരണം ചെയ്തു. പന്തളം നഗരസഭ കൗൺസിലർ കെ.ജി.വിദ്യ യോഗം ഉദ്ഘാടനം ചെയ്തു. സ്കൂൾ പി.റ്റി.എ. പ്രസിഡന്റ് എം.ബി.ബിനു കുമാര് അദ്ധ്യക്ഷത വഹിച്ചു. സ്കൂൾ ബാഗുകളുടെ വിതരണോദ്ഘാടനം പന്തളം നഗരസഭ കൗൺസിലർ ഷിബിന ബഷീർ, സ്കൂൾ ലീഡർ മുഹമ്മദ് സാലിഹിന് ബാഗ് നൽകി നിർവ്വഹിച്ചു.
എം.എൻ. ഫാമിലി ഫൗണ്ടേഷൻ പ്രസിഡന്റ് എ.ഗിരിജ കുമാരി, സെക്രട്ടറി അഡ്വ.ആർ.രാജീവ്, ഓക്വെൻ പ്രതിനിധി അതുൽ ശ്രീകുമാർ, എസ്.എം.സി. ചെയർമാൻ കെ.എച്ച്.ഷിജു, വൈസ് ചെയർമാൻ കെ.ജി.ശശിധരൻ,സ്കൂൾ പ്രഥമാധ്യാപിക ജിജി റാണി, അധ്യാപിക നിഷ എസ്. റഹ്മാൻ എന്നിവർ സംസാരിച്ചു. വിദ്യാർത്ഥികളുടെ പഠന സൗകര്യങ്ങൾ മെച്ചപ്പെടുത്തുന്നതിനായി കോർപ്പറേറ്റ് സോഷ്യൽ റെസ്പോൺസിബിലിറ്റി ഫണ്ട് വിനിയോഗിച്ച് മുന്നോട്ടുവന്ന സന്നദ്ധ സംഘടനക്കും കമ്പനിക്കും യോഗത്തിൽ പ്രത്യേകം നന്ദി അറിയിച്ചു.
