തൊടുപുഴ: ഇടുക്കി കുമളിയില് സ്കൂള് വിദ്യാര്ത്ഥിനി വീട്ടില് പ്രസവിച്ചു. പതിനാറുകാരിയായ സ്കൂള് വിദ്യാര്ഥിനി വിട്ടില് വച്ചായിരുന്നു പ്രസവിച്ചത്. ഇന്ന് രാവിലെയാണ് സംഭവം. വീട്ടുകാര് അറിയിച്ചതിനെ തുടന്ന് കുമളി പോലീസെത്തി അമ്മയെയും കുഞ്ഞിനെയും പീരുമേട് താലൂക്ക് ആശുപത്രിയിലേക്ക് മാറ്റിയിട്ടുണ്ട്. സംഭവത്തില് സഹപാഠിക്കായി പോലീസ് തിരച്ചില് ആരംഭിച്ചു. ഇരുവരും പ്രണയത്തിലായിരുന്നുവെന്ന് പോലീസിന് പെണ്കുട്ടി മൊഴി നല്കി.
അതേസമയം പെണ്കുട്ടിയ്ക്ക് ശാരീരികമായ അസ്വാസ്ഥ്യമുണ്ടെന്ന് ഇന്നലെ മുതല് വീട്ടുകാരോട് പറഞ്ഞിരുന്നു. എന്നാല് കുട്ടി ഗര്ഭിണിയാണെന്നതിന്റെ സൂചനകളൊന്നും ബന്ധുക്കള്ക്ക് ലഭിച്ചിരുന്നില്ല. സംഭവത്തിന് ശേഷം കുട്ടിയോട് കാര്യങ്ങള് ചോദിച്ചറിഞ്ഞപ്പോഴാണ് സഹപാഠിയാണ് പീഡിപ്പിച്ചിരുന്നതെന്ന് മനസ്സിലായി. ആണ്കുട്ടിക്കും പ്രായപൂര്ത്തിയായിട്ടില്ല. ഇരുവര്ക്കും പ്രായപൂര്ത്തിയാകാത്ത സാഹചര്യത്തില് പോക്സോ വകുപ്പുകളടക്കം ചുമത്തി കേസെടുക്കുന്നതിന് ചില സാങ്കേതിക പ്രശ്നങ്ങളുണ്ട്. ചൈല്ഡ് വെല്ഫെയര് കമ്മിറ്റിയുമായി അന്വേഷിച്ചതിന് ശേഷം ആയിരിക്കും പൊലീസ് ആണ്കുട്ടിക്കെതിരെ നടപടി എടുക്കുക.
