ലണ്ടന്: കുഞ്ഞുങ്ങളുടെ കുടലില് ആയിരക്കണക്കിന് അജ്ഞാത വൈറസുകള് കണ്ടെത്തി ഗവേഷകര്. കുഞ്ഞുങ്ങളുടെ കുടലിനുള്ളില് അറിയപ്പെടാത്ത 200-ലധികം വൈറസുകളുണ്ടെന്നാണ് റിപ്പോര്ട്ട്. കുട്ടികള്ക്ക് വരാറുള്ള രോഗങ്ങളായ ആസ്ത്മ, പ്രമേഹം തുടങ്ങിയ വിട്ടുമാറാത്ത ചില രോഗങ്ങളില് നിന്ന് കുട്ടികളെ സംരക്ഷിക്കുന്നതില് ഈ വൈറസുകള് ഒരു പ്രധാന പങ്ക് വഹിക്കുന്നതായും ശാസ്ത്രജ്ഞര് അഭിപ്രായപ്പെടുന്നു.
കുഞ്ഞുങ്ങളുടെ മലത്തില് നിന്ന് വളരെയധികം അജ്ഞാത വൈറസുകളെ ഞങ്ങള് കണ്ടെത്തി. ആയിരക്കണക്കിന് പുതിയ വൈറസ് സ്പീഷീസുകള് മാത്രമല്ല, ഞങ്ങളെ അത്ഭുതപ്പെടുത്തിക്കൊണ്ട് 200-ലധികം വൈറസുകളുടെ കുടുംബങ്ങളെയാണ് കണ്ടെത്തിയത്, സര്വ്വകലാശാലയിലെ ഫുഡ് സയന്സ് വകുപ്പിലെ പ്രൊഫസര് ഡെന്നിസ് സാന്ഡ്രിസ് നീല്സണ് പറഞ്ഞു. ഇതിനര്ത്ഥം ജീവിതത്തിന്റെ തുടക്കത്തില് തന്നെ, ആരോഗ്യമുള്ള കുട്ടികളില് നിരവധി വൈറസുകളുണ്ടായിരിക്കുമെന്നും പിന്നീടുള്ള ജീവിതത്തില് വിവിധ രോഗങ്ങള് തടയാന് ഇവ വലിയ സ്വാധീനം ചെലുത്തിയേക്കുമെന്നും അദ്ദേഹം വ്യകതമാക്കി.
