ശ്രീകണ്ഠപുരം : നിയന്ത്രണം വിട്ട കാര് സ്കൂട്ടറിലിടിച്ച് യുവതി മരിച്ചു. ശ്രീകണ്ഠപുരം എസ്.സി ഡെവലപ്മെന്റ് കോ ഓപ്പറേറ്റീവ് സൊസൈറ്റിയിലെ കളക്ഷന് ഏജന്റ് ചുഴലിയിലെ സി.വി കാഞ്ചന (45) യാണ് മരിച്ചത്. ചൊവ്വാഴ്ച ഉച്ചയോടെ ശ്രീകണ്ഠപുരം ഗവ.ഹയര് സെക്കന്ഡറി സ്കൂളിന് മുന്നിലായിരുന്നു അപകടം. തളിപ്പറമ്പ് ഭാഗത്തുനിന്ന് വന്ന കാര് നിയന്ത്രണംവിട്ട് റോഡരികില് നിര്ത്തിയിട്ടിരുന്ന ബൈക്കിലും മറ്റൊരു കാറിലും ഇടിച്ചശേഷം കാഞ്ചന സഞ്ചരിച്ച സ്കൂട്ടറില് ഇടിക്കുകയായിരുന്നു. സ്കൂട്ടര് പൂര്ണമായും തകര്ന്നു. ഇടിയുടെ ആഘാതത്തില് റോഡില് തെറിച്ചുവീണ ഇവരെ ശ്രീകണ്ഠപുരത്തെ സ്വകാര്യ ആസ്പത്രിയിലെത്തിച്ചെങ്കിലും ജീവന് രക്ഷിക്കാനായില്ല.
