തിരുവനന്തപുരം : സെക്രട്ടറിയേറ്റില് ജീവനക്കാര് ഏഴു മണിക്കൂറും സീറ്റില് ഇരുന്ന് ജോലി ചെയ്യുന്നു എന്ന കാര്യം ഉറപ്പു വരുത്തുന്നതിന് വേണ്ടി പുതിയ സംവിധാനം ഏര്പ്പെടുത്തുന്നു. ഈ സംവിധാനം നടപ്പിലാകുന്നതോടെ ഔദ്യോഗിക ആവശ്യങ്ങള്ക്കല്ലാതെ അരമണിക്കൂറിലേറെ പുറത്ത് പോയാല് അന്നത്തെ ദിവസം അവധിയായി കണക്കാകും. ആക്സസ് കണ്ട്രോള് സിസ്റ്റം വഴി ആയിരിക്കും ജീവനക്കാരെ നിരീക്ഷിക്കുക.
സെക്രട്ടറിയേറ്റ് ജീവനക്കാരോട് നിഷ്കര്ഷിച്ചിട്ടുള്ളത് ഏഴുമണിക്കൂര് ജോലി ചെയ്യണമെന്നാണ്. എന്നാല് നിലവില് ജോലികള് പൂര്ണമായും നിര്വഹിക്കാത്ത അവസ്ഥ ഉണ്ടാകാറുണ്ട്. അതുകൊണ്ട് തന്നെ ഈ ഏഴ് മണിക്കൂറും സീറ്റില് ഇരുന്ന് ജോലി ചെയ്യുന്നു എന്ന് ഉറപ്പു വരുത്തുന്നതിന് വേണ്ടിയാണ് പുതിയ സംവിധാനം. മറ്റു ആവശ്യങ്ങള്ക്ക് വകുപ്പുകളിലേക്കും മറ്റും പോവുകയാണെങ്കില് അത് ഔദ്യോഗിക ആവശ്യമാണെന്ന് രേഖപ്പെടുത്തിയാല് മാത്രമേ അവധി എന്ന നിബന്ധന ഒഴിവായിക്കിട്ടൂ.
പുതിയ സംവിധാനത്തിനെതിരെ പ്രതിഷേധുമായി സിപിഎം അനുകൂല സംഘടനകള് അടക്കം രംഗത്തെത്തി. ജീവനക്കാര്ക്ക് ഏറെ ബുദ്ധിമുട്ടുണ്ടാക്കുന്ന സംവിധാനമാണ് ഇത് എന്നാണ് സംഘടനകള് ചൂണ്ടിക്കാട്ടുന്നത്. നിലവില് പഞ്ചിംങ് സിസ്റ്റം മാത്രമാണ് സെക്രട്ടറിയേറ്റില് ഉള്ളത്. വൈകാതെ തന്നെ ആക്സസ് കണ്ട്രോള് സിസ്റ്റം നടപ്പിലാക്കും.