കോലഞ്ചേരി : മലങ്കര സുറിയാനി സഭയുടെ അജപാലന സംഘത്തിലേക്ക് ഏഴ് മെത്രാപ്പോലീത്തമാരെ കൂടി ഇന്ന് കോലഞ്ചേരിയില്‍ കൂടിയ മലങ്കര സുറിയാനി ക്രിസ്ത്യാനി അസോസിയേഷന്‍ തെരഞ്ഞെടുത്തു. മികച്ച രീതിയില്‍ അത്യാധുനിക സംവിധാനങ്ങളോടെ നടന്ന തെരഞ്ഞെടുപ്പില്‍ റവ.ഫാ.എബ്രഹാം തോമസ്,2. വെരി.റവ. കൊച്ചുപറമ്പില്‍ ഗീവര്‍ഗീസ് റമ്പാന്‍,. റവ.ഫാ. റജി ഗീവര്‍ഗീസ്,. റവ.ഫാ. പി.സി. തോമസ്,. റവ.ഫാ. വര്‍ഗീസ് കെ. ജോഷ്വ,. റവ.ഫാ. വിനോദ് ജോര്‍ജ്,.റവ.ഫാ. സഖറിയാ നൈനാന്‍ ചിറത്തിലാട്ട് തുടങ്ങിയവര്‍ നിശ്ചിത ശതമാനം വോട്ടോടെ വിജയിച്ച് സഭയെ മുന്നോട്ടു നയിക്കുന്നതിനായി അര്‍ഹരായത്.
ഉച്ചയ്ക്ക് ഒരു മണിക്ക് കോലഞ്ചേരി സെന്റ് പീറ്റേഴ്സ് ആന്‍ഡ് സെന്റ് പോള്‍സ് പളളിയോടനുബന്ധിച്ച് ക്രമീകരിച്ചിരിക്കുന്ന ബസേലിയോസ് പൗലോസ് പ്രഥമന്‍ നഗറിലെ പ്രധാന വേദിയില്‍ പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ അദ്ധ്യക്ഷതയില്‍ മെത്രാപ്പൊലീത്തമാര്‍, സഭാസ്ഥാനികള്‍, മാനേജിംഗ് കമ്മിറ്റിയംഗങ്ങള്‍ എന്നിവര്‍ ചേര്‍ന്ന യോഗത്തിലാണ്. നാലായിത്തോളം പ്രതിനിധികള്‍ ലോകത്തിന്റെ വിവിധ ഭാഗങ്ങളില്‍ നിന്നായി തെരഞ്ഞെടുപ്പില്‍ വോട്ടു രേഖപ്പെടുത്തിയത്.
