തൃശൂര് : വെള്ളം വാങ്ങാനായി സ്റ്റേഷനിലിറങ്ങി തിരികെ ട്രെയിനില് ചാടിക്കയറുന്നതിനിടെ കാല്തെറ്റിവീണു വിദ്യാര്ഥി മരിച്ചു. ചങ്ങനാശേരി കൊലാരം മത്തായി സെബാസ്റ്റ്യന്റെ മകന് മിലന് സെബാസ്റ്റ്യന് (22) ആണു മരിച്ചത്. ഹൈദരബാദില്നിന്ന് തിരുവനന്തപുരത്തേക്കു വരികയായിരുന്ന ശബരി എക്സ്പ്രസില്നിന്നു വീണാണ് അപകടം. മിലന് പാലക്കാട്ടുനിന്ന് എറണാകുളത്തേക്കു പോകുകയായിരുന്നു. കാല് വഴുതി ട്രെയിനിന് അടിയില് വീണു ഗുരുതര പരിക്കേറ്റ മിലനെ ഉടന് ജനറല് ആശുപത്രിയില് എത്തിച്ചെങ്കിലും രക്ഷിക്കാനായില്ല. പോക്കറ്റിലുണ്ടായിരുന്ന തിരിച്ചറിയല് കാര്ഡില് നിന്നാണ് വിലാസം അറിഞ്ഞത്. മിലന്റെ മാതാപിതാക്കള് വിദേശത്താണ്.
ട്രെയിനില് നിന്ന് വീണ് ചങ്ങനാശ്ശേരി സ്വദേശിയായ വിദ്യാര്ത്ഥി മരിച്ചു
RECENT NEWS
Advertisment