ദില്ലി: അന്തരിച്ച എംഎല്എയുടെ മകനെ ത്രിപുരയിലെ ബോക്സാനഗര് നിയമസഭാ മണ്ഡലത്തില് നടക്കുന്ന ഉപതെരഞ്ഞെടുപ്പില് സ്ഥാനാര്ത്ഥിയാക്കി സിപിഎം. ഇതിന് പിന്നാലെ പരിഹാസവുമായി യൂത്ത് കോണ്ഗ്രസ് നേതാവ് ഷാഫി പറമ്പില് രംഗത്തെത്തി. പുതുപ്പള്ളിയില് ചാണ്ടി ഉമ്മനെ സ്ഥാര്ത്ഥിയാക്കിയതില് കുടുംബ ക്വാട്ട എന്നടക്കമുള്ള പരിഹാസം ഉന്നയിച്ച ഇടതുപക്ഷത്തിന്റെ ഇരട്ടത്താപ്പാണ് ഇതെന്ന് ഷാഫി ചൂണ്ടിക്കാണിക്കുന്നു.
‘കേവലം ഒരു ഉപതെരഞ്ഞെടുപ്പല്ല ജനാധിപത്യം വീണ്ടെടുക്കുവാനുള്ള പോരാട്ടം എന്ന് ത്രിപുരയിലെ സി പി എം വിശേഷിപ്പിക്കുന്ന ബക്സനഗര് ഉപതെരഞ്ഞെടുപ്പില് സി പി എം സ്ഥാനാര്ത്ഥിയെ പ്രഖ്യാപിച്ചു. നിലവിലെ എം എല് എ ആയിരുന്ന ജൂലൈ 19 ന് അന്തരിച്ച ഷംസുല് ഹഖിന്റെ മകന് മിസാന് ഹുസൈന്. ചുമ്മാ പറഞ്ഞൂന്ന് മാത്രം’- എന്നാണ് ഷാഫി പറമ്പില് കുറിച്ചിരിക്കുന്നത്.
