പത്തനംതിട്ട : വര്‍ഗ്ഗീയതയ പച്ചയ്ക്ക് തലോലിക്കുന്ന സമീപനമാണ് സംസ്ഥാന സര്‍ക്കാര്‍ സ്വീകരിച്ചിരിക്കുന്നതെന്നും അതിന് കുഴലുതുന്നവരായി ഡി വൈ എഫ് ഐ അധഃപതിച്ചുവെന്നും യൂത്ത് കോണ്‍ഗ്രസ് സംസ്ഥാന പ്രസിഡന്റ് ഷാഫി പറമ്പില്‍ എംഎല്‍എ. ജില്ലാ യൂത്ത് കോണ്‍ഗ്രസ് ജില്ലാ നേതൃസംഗമം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. ‘ഇന്ത്യ യുണൈറ്റഡ്’ എന്ന മുദ്രാവാക്യവുമായി വര്‍ഗ്ഗീയതക്കതിരെയുള്ള ക്യാംപയിന്‍ ഒക്ടോബര്‍ 2 മുതല്‍ നവംബര്‍ 14 വരെ സംഘടിപ്പിക്കുമെന്നും ഷാഫി പറമ്പില്‍ പറഞ്ഞു. യോഗത്തില്‍ ജില്ലാ കോണ്‍ഗ്രസ് കമ്മിറ്റി പ്രസിഡന്റായി തെരഞ്ഞെടുക്കപ്പെട്ട പ്രൊഫ.സതീഷ് കൊച്ചു പറമ്പിലിന് സ്വീകരണം നല്‍കി.
നിര്‍ജ്ജിവമായ 15 മണ്ഡലം കമ്മിറ്റികള്‍ പിരിച്ചു വിടാന്‍ നേതൃയോഗം തീരുമാനിച്ചു. സംസ്ഥാന വൈസ് പ്രസിഡന്റ്മാരായ കെ എസ് എസ് ശബരീനാഥന്‍, എന്‍.എസ് നുസൂര്‍, എസ് എം ബാലു, എസ്.ജെ പ്രേംരാജ്, സംസ്ഥാന ജനറല്‍ സെക്രട്ടറിമാരായ രാഹുല്‍ മാങ്കുട്ടത്തില്‍, റോബിന്‍ പരുമല, സംസ്ഥാന സെക്രട്ടറിമാരായ ഷിനി മെഴുവേലി, ആബിദ് ഷഹിം, അനില ദേവി, ജില്ലാ വൈസ് പ്രസിഡന്റമാരായ വിശാഖ് വെന്‍പാല, ജി.മനോജ്, ജില്ലാ ജനറല്‍ സെക്രട്ടറിമാരായ രഞ്ജു മുണ്ടിയില്‍, എം. എസ് ഷിജു, ജിജോ ചെറിയാന്‍, ലക്ഷ്മി അശോക്, ജിതിന്‍ . ജി. നൈനാന്‍ , ഉണ്ണികൃഷ്ണന്‍ , അബു വീരപ്പള്ളി, അലക്സ് കോയിപ്പുറത്ത് എന്നിവര്‍ പങ്കെടുത്തു.
പ്രസംഗിച്ചു.
