പാലക്കാട്: മാസങ്ങള്‍ നീണ്ട അനിശ്ചിതത്വം നീങ്ങി. സംസ്ഥാന യൂത്ത് കോണ്‍ഗ്രസിന്റെ പുതിയ അധ്യക്ഷനായി പാലക്കാട് എംഎല്‍എ ഷാഫി പറമ്പിലിനെ പ്രഖ്യാപിച്ചു. എ-ഐ ഗ്രൂപ്പുകള്‍ക്കിടയില്‍ ഉണ്ടാക്കിയ ധാരണയുടെ അടിസ്ഥാനത്തിലാണ് എ ഗ്രൂപ്പ് പ്രതിനിധിയായി ഷാഫി പറമ്പിലിനെ നിയമിച്ചത്.
നിയമസഭയില്‍ ഉന്നയിച്ച പ്രതിപക്ഷം ഉന്നയിച്ച വിഷയങ്ങള്‍ യൂത്ത് കോണ്‍ഗ്രസ് എറ്റെടുക്കുമെന്നും അദ്ദേഹം പറഞ്ഞു. ഫാസിസത്തെ യൂത്ത് കോണ്‍ഗ്രസ് തെരുവില്‍ നേരിടും. കേന്ദ്രത്തിലെ വര്‍ഗീയ ഫാസിസത്തെയും കേരളത്തിലെ രാഷ്ട്രീയ ഫാസിസത്തെയും ഒരു പോലെ തങ്ങള്‍ എതിര്‍ക്കുമെന്നും ഷാഫി പറയുന്നു.
എംഎല്‍എ പദവിയോടെ യൂത്ത് കോണ്‍ഗ്രസ് അധ്യക്ഷസ്ഥാനം വഹിക്കേണ്ടി വരുന്നത് പ്രവര്‍ത്തനത്തെ ഒരുതരത്തിലും ബാധിക്കില്ലെന്നും ആജീവനാന്തം സംസ്ഥാന അധ്യക്ഷനായി പ്രവര്‍ത്തിക്കാന്‍ ഉദ്ദേശിക്കുന്നില്ലെന്നും ഷാഫി പറമ്പില്‍ പറഞ്ഞു.
