കൊച്ചി: നിര്മാതാവ് സോഫിയ പോള് തനിക്കെതിരെ ഉയര്ത്തിയ ആരോപണങ്ങള് അടിസ്ഥാനരഹിതമാണെന്ന് ചൂണ്ടിക്കാട്ടി നടന് ഷെയ്ന് നിഗം താരസംഘടനയായ അമ്മക്ക് അയച്ച കത്തിലെ വിവരങ്ങള് പുറത്ത്. നുണപ്രചരണങ്ങള് തനിക്ക് മനോവിഷമമുണ്ടാക്കിയെന്നും സിനിമയുടെ എഡിറ്റിങ് കാണണമെന്ന് ആവശ്യപ്പെട്ടിട്ടില്ലെന്നും സംഘടനയ്ക്ക് അയച്ച കത്തില് പറയുന്നു. നിര്മ്മാതാവിന്റെ ഭര്ത്താവ് മാതാവിനോട് മര്യാദയില്ലാതെ പെരുമാറിയെന്നും അതുകൊണ്ടാണ് അമ്മയ്ക്കു ക്ഷോഭിക്കേണ്ടി വന്നതെന്നും ഷെയ്ന് കത്തില് പറയുന്നു.
ആര്ഡിഎക്സ് സിനിമയുടെ സെറ്റില് വൃത്തിഹീനമായ കാരവാനാണ് തനിക്ക് നല്കിയതെന്നും നിര്മാതാവിന്റെ ഭര്ത്താവ് തന്റെ മാതാവിനോട് മര്യാദയില്ലാതെ പെരുമാറിയെന്നും ‘അമ്മ’യ്ക്കു നല്കിയ കത്തില് പറയുന്നു. താന് നേരിടുന്ന പ്രതിസന്ധിക്ക് പരിഹാരം കാണാന് സംഘടന ഇടപെടണമെന്നും ഷെയിന് കത്തില് ആവശ്യപ്പെടുന്നു.
