ന്യൂഡല്ഹി: പിസിസി പ്രസിഡന്റുമാരുടെ കാലാവധി വെട്ടിച്ചുരുക്കണമെന്നു കോണ്ഗ്രസ് അധ്യക്ഷ സ്ഥാനാര്ഥി ശശി തരൂര്. കോണ്ഗ്രസ് ദേശീയ അധ്യക്ഷ തെരഞ്ഞെടുപ്പില് ഭാരവാഹികള് മല്ലികാര്ജുന് ഖാര്ഗെയ്ക്ക് പരസ്യപിന്തുണ അറിയിക്കുന്നതില് ശശി തരൂരിനെ പിന്തുണയ്ക്കുന്നവര് രേഖാമൂലം പരാതി നല്കിയതിന് പിന്നാലെയാണ് പ്രതികരണം.
ഹൈക്കമാന്ഡ് പുറത്തിറക്കിയ മാര്ഗനിര്ദേശം നടപ്പാക്കണമെന്നും തരൂര് അനുകൂലികള് ആവശ്യപ്പെട്ടു. വോട്ടര്പട്ടികയിലെ അവ്യക്തത നീക്കണമെന്നും ഇവര് ആവശ്യപ്പെട്ടു. മല്ലികാര്ജുന് ഖാര്ഗെയ്ക്ക് പിന്തുണ പ്രഖ്യാപിച്ച് കര്ണാടക കോണ്ഗ്രസ് രംഗത്തെത്തി. തരൂര് നല്ല കോണ്ഗ്രസുകാരനാണെങ്കിലും ഖാര്ഗെയാണ് യഥാര്ഥ കോണ്ഗ്രസ് സ്ഥാനാര്ത്ഥിയെന്ന് കര്ണാടക പ്രതിപക്ഷ നേതാവ് സിദ്ധരാമയ്യ പറഞ്ഞു.