എറണാകുളം : എറണാകുളത്ത് മുപ്പതടിയോളം താഴേക്ക് താത്കാലിക ഷെഡ് ഇടിഞ്ഞ് വീണു. കരിമുഗള് പീച്ചിങ്ങച്ചിറയില് ആണ് സംഭവം. കനത്ത മഴയില് ആണ് ഇതരസംസ്ഥാനതൊഴിലാളികള് താമസിച്ചിരുന്ന താത്കാലിക ഷെഡ് ഇടിഞ്ഞ് താഴേക്ക് പോയത്. ഷെഡില് പതിനഞ്ച് പേര് താമസിച്ചിരുന്നത് എന്നാല് അപകടസമയത്ത് പത്തുപേരോളമുണ്ടായിരുന്നു. നിസാര പരിക്കുകളോടെ ഷെഡിനൊപ്പം ഇവര് താഴേക്ക് വീണെങ്കിലും രക്ഷപ്പെട്ടു.
ഇന്നലെ രാത്രിയാണ് പുത്തന്കുരിശ് പഞ്ചായത്ത് ആറാം വാര്ഡില് അപകടം ഉണ്ടായത്. തൃപ്പൂണിത്തുറ താലൂക്കാശുപത്രിയില് അപകടത്തില്പ്പെട്ട രണ്ടു പേരെ പ്രവേശിപ്പിച്ചു. ഷെഡിലുണ്ടായിരുന്നത് മുംബൈ ആസ്ഥാനമായുള്ള പഴയ മെഷിനറികള് വാങ്ങി പൊളിച്ചുമാറ്റുന്ന സ്വകാര്യ കമ്പനിയിലെ ജീവനക്കാരാണ്. ഷെഡ് സ്ഥാപിച്ചിരുന്നത് ഇവര്ക്ക് വാടകയ്ക്ക് നല്കിയ സ്ഥലത്താണ്.
