കൊച്ചി: മലയാള സിനിമയില് മയക്കുമരുന്ന് ഉപയോഗിക്കുന്നവരുണ്ടെന്ന വെളിപ്പെടുത്തല് വിവാദങ്ങള്ക്ക് തിരികൊളുത്തിയിരുന്നു. ഈ വിഷയത്തില് രൂക്ഷവിമര്ശനവുമായി രംഗത്തെത്തിയിരിക്കുകയാണ് നടന് ഷൈന് ടോം ചാക്കോ. മയക്കുമരുന്ന് കണ്ടുപിടിച്ചത് സിനിമാക്കാരാണോ എന്നാണ് ഷൈന് ടോം ചാക്കോയുടെ ചോദ്യം. ലൈവ് എന്ന സിനിമയുടെ പ്രിമിയര് ഷോയ്ക്ക് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
‘ഈ ഡ്രഗ്സൊക്കെ എത്രകാലമായി കണ്ടുപിടിച്ചിട്ട് 30 വയസ്സുള്ള ചെറുപ്പക്കാരാണോ അതു കണ്ടുപിടിച്ചത് ലോകത്തിന്റെ ആദ്യം മുതലുള്ള ഈ സാധനം കൊണ്ടുവന്നത് ചെറുപ്പക്കാര് ആണോ? സിനിമാക്കാര് ആണോ? അങ്ങനെ പറയുന്ന ആളുകളോട് നിങ്ങള് ചോദിക്കണം. അത് ഇപ്പോഴത്തെ ചെറുപ്പക്കാരോ സിനിമാക്കാരോ കൊണ്ടുവന്നതല്ല. എന്റെ മക്കളുടെ കയ്യില് എങ്ങനെ മയക്കുമരുന്ന് കിട്ടുന്നു എന്ന് മാതാപിതാക്കള് ചോദിക്കണം’- ഷൈന് ടോം ചാക്കോ പറഞ്ഞു.
