ചണ്ഡീഗണ്ഡ്: ശിവസേന മോഗ ജില്ലാ പ്രസിഡന്റ് മംഗത് റായി വെടിയേറ്റ് മരിച്ചു. ഇന്നലെ രാത്രിയാണ് സംഭവം. മോഗയിലെ സ്റ്റേഡിയം റോഡില് വെച്ച് അക്രമികള് മാംഗയ്ക്ക് നേരെ വെടിയുതിര്ക്കുകയായിരുന്നു. സംഭവത്തിൽ 11 വയസ്സുള്ള ഒരു ആൺകുട്ടിക്ക് പരിക്കേറ്റിട്ടുണ്ട്. പാൽ വാങ്ങുന്നതിനിടെയായിരുന്നു സംഭവം നടന്നതെന്ന് പിടിഐ റിപ്പോർട്ട് ചെയ്യുന്നു. ആശുപത്രിയിലെത്തിച്ചെങ്കിലും മംഗത് റോയിയുടെ ജീവന് രക്ഷിക്കാനായില്ല. രാത്രി 10 മണിയോടെ അജ്ഞാതരായ മൂന്ന് പേർ അദ്ദേഹത്തിന് നേരെ വെടിയുതിർത്തു.
ഇരുചക്രവാഹനത്തിൽ കയറി രക്ഷപെടാനായി ശ്രമിച്ചെങ്കിലും അക്രമികൾ പിന്തുടർന്ന് വീണ്ടും വെടിയുതിർക്കുകയായിരുന്നു. അക്രമികള് പിന്നില് നിന്ന് വെടിയുതിര്ത്തെങ്കിലും മാംഗക്ക് പരിക്കേറ്റില്ല. ലക്ഷ്യം തെറ്റിയതിനേ തുടര്ന്ന് മോട്ടോര് ബൈക്കിലെത്തിയ മൂന്ന് അജ്ഞാതര് മാംഗയെ പിന്തുടരുകയും വീണ്ടും വെടിയുതിര്ക്കുകയും ചെയ്തു. പരിക്കേറ്റ കുട്ടിയെ ആദ്യം മോഗ സിവിൽ ആശുപത്രിയിൽ പ്രവേശിപ്പിച്ചു. പിന്നീട് ചികിത്സയ്ക്കായി മറ്റൊരു ആശുപത്രിയിലേക്ക് മാറ്റി.
