കോന്നി: ഗിരിദേവ ക്രിയേഷന്‍സിന്റെ ബാനറില്‍ ഗ്രീന്‍ മീഡിയ ഒരുക്കുന്ന ഹ്രസ്വചിത്രം ‘ഇങ്ങനെയും ഒരു ജിഹാദ് ‘ ന്റെ ചിത്രീകരണം ഫെബ്രുവരി അവസാനത്തോടെ തുടങ്ങും. നടന്‍ റ്റി.പി. മാധവന്‍ ടൈറ്റില്‍ റോളില്‍ എത്തുന്ന ഇങ്ങനെയും ഒരു ജിഹാദിന്റെ കഥയും സംഭാഷണവും സംവിധാനവും നിര്‍വ്വഹിക്കുന്നത് സുരേഷ് കോന്നിയാണ്. പത്തനാപുരം ഗാന്ധിഭവന്‍, പാടപ്പക്കല്‍, കോന്നി, കല്ലേലി, എന്നിവിടങ്ങളില്‍ ഫെബ്രുവരി 25 മുതല്‍ 27 വരെ തീയതികളില്‍ ചിത്രീകരണം നടത്താനാണ് അണിയറപ്രവര്‍ത്തകര്‍ ഒരുങ്ങുന്നത്.
സുരേഷ് കോന്നി എഴുതിയ കാലിക പ്രാധാന്യമുള്ള ഒരു ചെറുകഥയെ ആസ്പദമാക്കി തയ്യാറാക്കുന്ന ഈ ഹ്രസ്വ ചിത്രത്തിന്റെ തിരക്കഥയും ഗാനങ്ങളും ഒരുക്കുന്നത് ബിജു കലഞ്ഞൂരാണ് . ചിത്രത്തിന്റെ ഛായാഗ്രഹണം നിര്‍വഹിക്കുന്നത് ആര്‍ .ജയേഷ് ആണ് . ചമയം കണ്ണന്‍ കലഞ്ഞൂരും അസോസിയേറ്റ് അശോകന്‍ കോന്നിയും നിര്‍വ്വഹിക്കുന്നു. റ്റി.പി മാധവന്‍, കെ.പി.ഏ.സി അനിത , റഷീദ് മുളന്തറ, അന്‍സു കോന്നി, സന്തോഷ് കലഞ്ഞൂര്‍, അമല്‍ ഗാന്ധിഭവന്‍, ബിജു കലഞ്ഞൂര്‍, കൈലാസ് അങ്കമാലി, വിനിഷ കൊല്ലം, മഞ്ജു ബിജു , മല്ലിക സോമന്‍, സജി കോന്നി എന്നിവര്‍ക്കൊപ്പം നിത പ്രീത അനില്‍, മൊഹമ്മദ് അയാന്‍ എന്നീ ബാലതാരങ്ങളും ഈ ഹ്രസ്വചിത്രത്തിലെ വേഷങ്ങളിലെത്തുന്നു.
