കോന്നി : കോന്നി റിപ്പബ്ലിക്കൻ വൊക്കേഷണൽ ഹയർ സെക്കൻ്ററി സ്കൂളിലെ ലിറ്റിൽ കൈറ്റ്സ് ഒരുക്കുന്ന ഹ്രസ്വ ചിത്രം ‘മണി പ്ലാൻ്റ്’ പ്രദർശനത്തിനൊരുങ്ങുന്നു. ചിത്രത്തിൻ്റെ
ടൈറ്റിൽ ലോഞ്ച് കേരള ഫോക്‌ലോർ അക്കാദമി അംഗം അഡ്വ.സുരേഷ് സോമ നിർവഹിച്ചു. സ്കൂൾ വാർഷികാഘോഷങ്ങളോടനുബന്ധിച്ചാണ് ടൈറ്റിൽ ലോഞ്ച് സംഘടിപ്പിച്ചത്. കുട്ടികളുടെയും അധ്യാപകരുടെയും നേതൃത്വത്തിൽ ഒരുങ്ങുന്ന ചിത്രം ഉടൻ പ്രദർശനത്തിനെത്തും. ആരുഷ് എസ്. സംവിധാനവും ജ്യോതിസ് പി. ഉല്ലാസ് നിർമ്മാണവും ജെറീറ്റ രഞ്ചി രചനയും റോൺ ടി. പ്രകാശ് ക്യാമറയും ആൽഫിൻ ജോ മാത്യു എഡിറ്റിംഗും നിർവ്വഹിക്കുന്ന ചിത്രത്തിൻ്റെ കോ ഓഡിനേറ്റർ അധ്യാപികയായ വിധു ആർ. ആണ്. സ്കൂൾ കൈറ്റ് മിസ്റ്ററസ് ശ്രീജ എസ്, അപ്സര പി. ഉല്ലാസ് എന്നിവരുടെ നേതൃത്വത്തിലാണ് ചലച്ചിത്ര നിർമാണം പൂർത്തിയാവുന്നത്.
കോന്നി ഗ്രാമപഞ്ചായത്ത് പ്രസിഡൻ്റ് അനി സാബു തോമസ് ചടങ്ങ് ഉദ്ഘാടനം ചെയ്തു. പി.ടി.എ പ്രസിഡൻ്റ് മനോജ് പുളിവേലിൽ അധ്യക്ഷത വഹിച്ച ചടങ്ങിൽ കോന്നി ബ്ലോക്ക് പഞ്ചായത്ത് വൈസ് പ്രസിഡൻ്റ് ആർ. ദേവകുമാർ, ബ്ലോക്ക് പഞ്ചായത്തംഗം ജോളി ഡാനിയേൽ, ഗ്രാമപഞ്ചായത്തംഗം സിന്ധു സന്തോഷ്, സ്കൂൾ മാനേജർ എൻ. മനോജ്, ഹയർ സെക്കൻ്ററി വൊക്കേഷണൽ പ്രിൻസിപ്പാൾ ആർ. സുനിൽ, ഹെഡ്മാസ്റ്റർ ആർ. ശ്രീകുമാർ, മാതൃസമിതി പ്രസിഡൻ്റ് ഷിനി ഇ.ടി, വൊക്കേഷൻ ഹയർ സെക്കൻഡറി വിഭാഗം പി.ടി.എ. പ്രസിഡൻ്റ് രാജ് സി. ജെ, പി.ടി.എ. വൈസ് പ്രസിഡൻ്റ് അജയകുമാർ വി.ഡി, റിപ്പബ്ലിക്കൻ എഡ്യുക്കേഷണൽ ചാരിറ്റബിൾ ട്രസ്റ്റ് അംഗങ്ങളായ കെ.എസ്. ശശികുമാർ, എസ്.സന്തോഷ് കുമാർ, വൊക്കേഷണൽ ഹയർ സെക്കൻഡറി അധ്യാപകൻ സന്തോഷ് കുമാർ എം.എസ്, സ്കൂൾ ചെയർപേഴ്സൺ കുമാരി ഹെബ്സിബ സിനി ബിജു എന്നിവർ പ്രസംഗിച്ചു.
