കൊച്ചി: നടന്മാരായ ശ്രീനാഥ് ഭാസിക്കും ഷെയ്ന് നിഗത്തിനും മലയാള സിനിമയില് വിലക്ക്. ഇരുവരുമായി സഹകരിച്ച് പോകാനാകില്ലെന്ന് താരസംഘടനയായ ‘അമ്മ’യും ഫെഫ്കയും മറ്റ് സിനിമാ സംഘടനകളും വ്യക്തമാക്കി. ഇരു താരങ്ങളെയും ഇനി ജോലിയ്ക്കായി വിളിക്കില്ലെന്ന് സംഘടനകള് വ്യക്തമാക്കി. മയക്കുമരുന്നിനടിമകളായ നടന്മാരുമായി സഹകരിക്കില്ലെന്നും രണ്ടു നടന്മാരും പലപ്പോഴും ബോധമില്ലാതെയാണ് പെരുമാറുന്നതെന്നും വാര്ത്താസമ്മേളനത്തില് നിര്മ്മാതാവ് രഞ്ജിത്ത് പറഞ്ഞു.
മയക്കുമരുന്നിന് അടിമകളായ നടന്മാരുമായി സഹകരിക്കാനാവില്ല. മലയാള സിനിമാ രംഗത്ത് മയക്കുമരുന്നിന് അടിമകളായ വേറെയും നടന്മാരുണ്ടെന്ന് സംഘടന ആരോപിച്ചു. അവരുമായും സഹകരിക്കില്ലെന്ന് സംഘടനകള് വ്യക്തമാക്കി. സ്ഥിരമായി മയക്കുമരുന്നുപയോഗിക്കുന്നവരുടെ പേരുവിവരങ്ങള് സര്ക്കാരിന് നല്കുമെന്നും നിര്മ്മാതാക്കളുടെ പരാതിയില് കഴമ്പുണ്ടെന്നും അമ്മ ജനറല് സെക്രട്ടറി ഇടവേള ബാബുവും പറഞ്ഞു.
