പത്തനംതിട്ട : പൂക്കോട് വെറ്റിനറി കോളജ് വിദ്യാർത്ഥി സിദ്ധാർഥനെ ക്രൂരമായി മർദ്ദിച്ച് കൊലപ്പെടുത്തിയ സംഭവം സി.ബി.ഐ അന്വേഷിക്കണമെന്ന് ആവശ്യപ്പെട്ടും കോൺഗ്രസ് നേതാക്കൾക്കെതിരായ പോലീസ് അതിക്രമങ്ങൾക്കെതിരായും യു.ഡി.എഫ് സംസ്ഥാന വ്യാപകമായി നടത്തുന്ന സമര പരിപാടികളുടെ ഭാഗമായി യു.ഡി.എഫ് മണ്ഡലം കമ്മിറ്റിയുടെ നേതൃത്വത്തിൽ മലയാലപ്പുഴയിൽ പ്രതിഷേധ പ്രകടനവും യോഗവും നടത്തി. പ്രകടനവും യോഗവും ഡി.സി.സി ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു.
മണ്ഡലം ചെയർമാൻ ദിലീപ് കുമാർ പൊതീപ്പാട് അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറി എലിസബത്ത് അബു, ഫോർവേഡ് ബ്ലോക്ക് ജില്ലാ സെക്രട്ടറി മലയാലപ്പുഴ ശ്രീകോമളൻ, ബ്ലോക്ക് കോൺഗ്രസ് കമ്മിറ്റി ഭാരവാഹികളായ വി.സി ഗോപിനാഥപിളള, സണ്ണി കണ്ണംമണ്ണിൽ, എം.സിഗോപാലകൃഷ്ണപിളള, മലയാലപ്പുഴ വിശ്വംഭരൻ, മണ്ഡലം ഭാരവാഹികളായ ശശീധരൻ പാറയരുകിൽ, മീരാൻ വടക്കുപുറം,ബിന്ദു ജോർജ്ജ്, സി.പി സുധീഷ്, സദാശിവൻപിള്ള ചിറ്റടിയിൽ, രാഹുൽ മുണ്ടക്കൽ,വിത്സൺ പരുത്തിയാനി, ബിജു മോൻ തോട്ടം, ഏബ്രഹാം മാത്യു, ബിന്ദു അരവിന്ദ് എന്നിവർ പ്രസംഗിച്ചു.
