തിരുവനന്തപുരം : സില്വര്ലൈന് അര്ധഅതിവേഗ പാത സംബന്ധിച്ച് പ്രതിപക്ഷം കൊണ്ടുവന്ന അടിയന്തിര പ്രമേയത്തിന് സ്പീക്കര് എം.ബി രാജേഷ് അനുമതി നല്കി. കേരളത്തിന്റെ ഭാവിക്ക് ആവശ്യമായ പദ്ധതിയാണെന്നും ചര്ച്ചക്ക് തയ്യാറാണെന്നും മുഖ്യമന്ത്രി പിണറായി വിജയന് അറിയിക്കുയായിരുന്നു. തുടര്ന്നാണ് അനുമതി നല്കിയത്. സഭ നിര്ത്തിവെച്ച് ഉച്ചക്ക് ഒരു മണി മുതല് രണ്ട് മണിക്കൂര് ആ വിഷയത്തില് ചര്ച്ച ചെയ്യും. രണ്ടാം പിണറായി സര്ക്കാര് അധികാരമേറ്റശേഷം സഭയില് അടിയന്തിര പ്രമേയത്തിന് അനുമതി നല്കുന്നത് ആദ്യമായാണ്.
