കൊച്ചി : സില്വര് ലൈന് പദ്ധതിയുമായി ബന്ധപ്പെട്ട് ഹൈക്കോടതിയില് പുതിയ ഹര്ജി. പദ്ധതിയുടെ പേരില് ശക്തമായ ജനവിരുദ്ധ അഭിപ്രായങ്ങള് ഉയര്ന്നുവന്നിരിക്കുന്ന സാഹചര്യത്തില് ഈ വിഷയത്തെക്കുറിച്ച് വിശദമായി പഠിക്കുവാന് ഹൈകോടതിയുടെ മേല്നോട്ടത്തില് വിദഗ്ധസമിതിയെ നിയോഗിക്കണമെന്ന് ആവശ്യപ്പെട്ടുകൊണ്ട് സാമൂഹ്യ പ്രവര്ത്തകനായ ജോര്ജ് സെബാസ്റ്റ്യന് ആണ് ഹര്ജി നല്കിയത്. അഡ്വകറ്റ് നോബിള് മാത്യു മുഖേന സമര്പിച്ച ഹര്ജി ജസ്റ്റിസ് ദേവന് രാമചന്ദ്രന് ഫയലില് സ്വീകരിച്ചു. എതിര് കക്ഷികളുടെ അഭിഭാഷകര് നോട്ടീസ് കൈപറ്റി. കേസ് തിങ്കളാഴ്ച പരിഗണിക്കും.
