സീതത്തോട്: സിമ ഷിറ്റോ റിയു കരാട്ടെ സീതത്തോട് ഡോജോയുടെ ആഭിമുഖ്യത്തിൽ വാർഷിക പൊതുയോഗവും അനുമോദന സമ്മേളനവും നടന്നു. സീതത്തോട് എസ്.എൻ.ഡി.പി ഓഡിറ്റോറിയത്തിൽ നടന്ന പരിപാടി കോന്നി എം.എൽ.എ അഡ്വ. കെ.യു.ജനീഷ്കുമാർ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ലേഖ സുരേഷ് അധ്യക്ഷത വഹിച്ചു. ചിറ്റാർ ഗ്രാമപഞ്ചായത്ത് പ്രസിഡന്റ് ഷൈലജ കെ. മുഖ്യപ്രഭാഷണം നടത്തി. ജില്ലാ പഞ്ചായത്ത് അംഗം റ്റി.കെ.സജി, ഗ്രാമപഞ്ചായത്ത് വൈസ് പ്രസിഡന്റ് അഡ്വ.ജോബി ടി. ഈശോ, വാർഡ് മെമ്പർ ബാലാമണിയമ്മ, എസ്.എൻ.ഡി.പി ശാഖായോഗം പ്രസിഡന്റ് സജി കുമാർ, റെൻഷി ബിനു ഡാനിയേൽ, സെൻസെയ് രാജീവ് ടി. പി എന്നിവർ സംസാരിച്ചു.
ചടങ്ങിൽ എം.എൽ.എ അഡ്വ.കെ.യു.ജനീഷ് കുമാറിനെ പൊന്നാട അണിയിച്ച് ആദരിച്ചു. ദേശീയ, സംസ്ഥാന, ജില്ലാ തലങ്ങളിൽ കരാട്ടെ മത്സരങ്ങളിൽ മികച്ച നേട്ടം കൈവരിച്ച വിദ്യാർത്ഥികളെയും എസ്.എസ്.എൽ.സി., പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെയും അനുമോദിച്ചു. വിജയികൾക്ക് ട്രോഫികളും ഉപഹാരങ്ങളും വിതരണം ചെയ്തു.
