പത്തനംതിട്ട : പത്തനംതിട്ട ജില്ലാ ആസ്ഥാനത്തെ നഗരസഭയുടെ ചെയര്പേഴ്സണ് പദവി ഇക്കുറി സിന്ധു അനിലും അംബികാ വേണുവും പങ്കിടുമെന്ന് സൂചന. ആദ്യ പകുതിയില് സിന്ധു അനിലും രണ്ടാം പകുതിയില് അംബികാ വേണുവും ചെയര്പേഴ്സണ് ആകും. ചെയര്പേഴ്സണ് പദവിക്കുവേണ്ടി അഡ്വ. എ.സുരേഷ് കുമാറിന്റെ ഭാര്യയും വാര്ഡ് 13 ലെ കൌണ്സിലറും മുന് ചെയര്പേഴ്സണുമായിരുന്ന ഗീതാ സുരേഷ്, ഡി.സി.സിയുടെ മുന് പ്രസിഡന്റ് മോഹന് രാജിന്റെ ഭാര്യയും വാര്ഡ് 19 ലെ കൌണ്സിലറുമായ ആശാ മോഹന്രാജ് എന്നിവര് സജീവമായി രംഗത്ത് ഉണ്ടായിരുന്നുവെങ്കിലും സീനിയോരിറ്റിയെ മറികടന്നുകൊണ്ട് തീരുമാനം കൈക്കൊള്ളുവാന് കോണ്ഗ്രസ് നേത്രുത്വം തയ്യാറായില്ല എന്നാണ് സൂചന.
വാര്ഡ് 27 ല് നിന്നും 365 വോട്ടിന്റെ ഭൂരിപക്ഷം നേടിയ സിന്ധു അനിലിന്റെ നാലാമത്തെ വിജയമാണ് ഇത്. പത്തനംതിട്ട നഗരസഭാ കൌണ്സിലര് ആയിരിക്കെ ഭര്ത്താവ് അനില് മരണമടഞ്ഞിരുന്നു. ഈ ഒഴിവിലേക്ക് നടന്ന ഇടക്കാല തെരഞ്ഞെടുപ്പിലാണ് സിന്ധു അനില് ആദ്യമായി കൌണ്സിലര് ആയത്. വാര്ഡ് 9 ല് നിന്നും 565 വോട്ടിന്റെ ഭൂരിപക്ഷത്തില് വിജയിച്ച അംബികാ വേണുവിന്റെ മൂന്നാമൂഴമാണ് ഈ വിജയം. നഗരസഭയിലെ ഏറ്റവും ഉയര്ന്ന ഭൂരിപക്ഷം ലഭിച്ചതും അംബികാ വേണുവിനാണ്.
