ചെന്നൈ : ശിവകാശിയിലെ പടക്ക നിര്മ്മാണശാലയില് വന് പൊട്ടിത്തെറി. അപകടത്തില് ആറ് പേര് മരിച്ചു. നിരവധി പേര്ക്ക് ഗുരുതരമായി പരിക്കേറ്റു.
കാളയാര്കുറിച്ചിയിലെ പടക്ക നിര്മ്മാണശാലയില് വ്യാഴാഴ്ച വൈകിട്ടോടെയാണ് പൊട്ടിത്തെറി ഉണ്ടായത്. അപകടം നടന്ന ഉടന് സംഭവ സ്ഥലത്തെത്തിയ അഗ്നിരക്ഷാ സേന കൂടുതല് പൊട്ടിത്തെറി ഒഴിവാക്കാനുള്ള ശ്രമത്തിലാണ്. രണ്ടാഴ്ച മുമ്പ് ശിവകാശിയിലെ സാത്തൂരിലെ പടക്ക നിര്മ്മാണശാലയിലുണ്ടായ പൊട്ടിത്തെറിയില് 23 പേര് മരിച്ചിരുന്നു. പിന്നാലെയാണ് വീണ്ടും കാളയാര്കുറിച്ചിയിലെ അപകടം. രക്ഷാപ്രവര്ത്തനം പുരോഗമിക്കുകയാണ്.
