ഇടുക്കി : ബ്രിട്ടീഷ് വിനോദസഞ്ചാരികള് താമസിച്ച റിസോര്ട്ടിലെ ആറു ജീവനക്കാര്ക്ക് കൊറോണ രോഗലക്ഷണം. മൂന്നാറിലെ കെ.ടി.ഡി.സിയുടെ ഹോട്ടലിലെ ജീവനക്കാര്ക്കാണ് രോഗലക്ഷണം പ്രകടമായത്. ഇവരുടെ സ്രവ സാമ്പിളുകള് പരിശോധനക്ക് അയക്കും.
കൊറോണ സ്ഥിരീകരിച്ച ബ്രിട്ടീഷുകാരനുമായി നേരിട്ട് സമ്പര്ക്കം പുലര്ത്തിയ ജീവനക്കാരടക്കം 43 പേര് റിസോര്ട്ടില് നിരീക്ഷണത്തിലാണ്. ഇവര്ക്ക് ഇതുവരെ രോഗലക്ഷണങ്ങള് ഒന്നും ഇല്ല.
മൂന്നാറില് താമസിച്ച ബ്രിട്ടീഷ് പൗരന് കൊവിഡ് സ്ഥിരീകരിച്ചതോടെ പ്രദേശത്ത് ജാഗ്രത നിര്ദേശം പുറപ്പെടുവിച്ചിരിക്കുകയാണ്. ഹോം സ്റ്റേകളിലും റിസോര്ട്ടുകളിലും ബുക്കിങ് നിര്ത്തിവെക്കാനും ജീപ്പ് സവാരികള് ഒഴിവാക്കാനും നിര്ദേശിച്ചിട്ടുണ്ട്. ആരോഗ്യവകുപ്പിന്റെ പ്രത്യേക സംഘം അതിര്ത്തികളിലും റോഡുകളിലും പരിശോധന നടത്തുന്നുണ്ട്. മുഴുവന് വിനോദ സഞ്ചാര കേന്ദ്രങ്ങളും ആളൊഴിഞ്ഞ സ്ഥിതിയാണുള്ളത്.
