ന്യൂഡല്ഹി: കേന്ദ്ര ആഭ്യന്തര മന്ത്രി അമിത് ഷായുടെ വീട്ടില് പാമ്പ്കയറി. ചെക്കര്ഡ് കീല്ബാക്ക് ഇനത്തില്പ്പെട്ട പാമ്പിനെയാണ്കണ്ടെത്തിയത്. വിവരമറിഞ്ഞ് വൈല്ഡ് ലൈഫ് എസ്ഒഎസ് സംഘം സ്ഥലത്തെത്തിയാണ് പാമ്പിനെ പിടികൂടിയത്. ഏറെ നേരത്തെ പരിശ്രമത്തിനൊടുവിലാണ് അഞ്ചടിയോളം നീളമുള്ള പാമ്പിനെ പിടികൂടാനായത്.
അമിത് ഷായുടെ വസതിക്ക് സമീപം സുരക്ഷാ ഉദ്യോഗസ്ഥര്ക്കായുള്ള മുറിയിലെ മരപ്പലകകള്ക്കിടിയിലാണ് പാമ്പിനെ കണ്ടത്. തുടര്ന്ന് സുരക്ഷാ ഉദ്യോഗസ്ഥര് വൈല്ഡ് ലൈഫ് എസ്ഒഎസ് സംഘത്തെ വിവരമറിയിച്ചു. ഇവര് ശാസ്ത്രീയമായി പിടികൂടാന് ശ്രമിച്ചെങ്കിലും പാമ്പ്മരപ്പലകകള്ക്കുള്ളില് ഒളിച്ചു. തുടര്ന്ന് ഏറെ നേരത്തെ ശ്രമത്തിനൊടുവിലാണ് പാമ്പിനെ പിടികൂടിയത്. വിഷമില്ലാത്ത നീര്ക്കോലി ഇനത്തില്പ്പെട്ട പാമ്പാണ് ഇതെന്ന് വനം വകുപ്പ് ഉദ്യോഗസ്ഥര് പറഞ്ഞു.
