ചെങ്ങന്നൂർ : എസ്എൻഡിപി യോഗം ചെങ്ങന്നൂർ യൂണിയനിൽ കുമാരീസംഘം രൂപവത്കരണവും ബോധവത്കരണ സെമിനാറും നടത്തി. എസ്എൻഡിപി യോഗം വനിതാസംഘം കേന്ദ്രസമിതി സെക്രട്ടറിയും സ്പൈസസ് ബോർഡ് ചെയർപേഴ്സണുമായ അഡ്വ. സംഗീതാ വിശ്വനാഥ് ഉദ്ഘാടനം ചെയ്തു. യൂണിയൻ വനിതാസംഘം ചെയർപേഴ്സൺ ഉഷാ മോഹൻ അധ്യക്ഷത വഹിച്ചു. ചെങ്ങന്നൂർ യൂണിയൻ അഡ്മിനിസ്ട്രേറ്റർ സുരേഷ് പരമേശ്വരൻ മുഖ്യപ്രഭാഷണം നടത്തി. ‘കൗമാരം കരുതലോടെ’ എന്ന വിഷയത്തെ ആസ്പദമാക്കി ബോധവത്കരണ ക്ലാസ് നടത്തി.
പെൻഷനേഴ്സ് കൗൺസിൽ ചെയർമാൻ എം.കെ. കുട്ടപ്പൻ, വൈദികയോഗം ചെങ്ങന്നൂർ യൂണിയൻ പ്രസിഡന്റ് സൈജു ശാന്തി, ജോയിന്റ് സെക്രട്ടറി സതീഷ് ബാബു, യൂത്ത് മൂവ്മെന്റ് യൂണിയൻ പ്രസിഡന്റ് പ്രദീപ് ചെങ്ങന്നൂർ, യൂണിയൻ സൈബർസേന ചെയർമാൻ പി. രാജേഷ്, യൂണിയൻ അഡ്മിനിസ്ട്രേറ്റീവ് കമ്മിറ്റിയംഗങ്ങളായ പി.ഡി. ഷാജി, രാജേഷ് സദാനന്ദൻ, വനിതാസംഘം വൈസ് ചെയർപേഴ്സൺ സിന്ധു രമണൻ എന്നിവർ പ്രസംഗിച്ചു. കുട്ടികളുടെ കലാപരിപാടികളും അരങ്ങേറി.
