ന്യൂഡല്ഹി: ഗുജറാത്ത് വംശഹത്യയുമായി ബന്ധപ്പെട്ട് വ്യാജ തെളിവുകള് ഉണ്ടാക്കിയെന്നാരോപിച്ച് അറസ്റ്റ് ചെയ്ത സാമൂഹ്യപ്രവര്ത്തക ടീസ്ത സെതല്വാദിന് ജാമ്യം. ഉപാധികളോടെയാണ് സുപ്രീംകോടതി ഇടക്കാല ജാമ്യം അനുവദിച്ചത്. തുടരന്വേഷണവുമായി പൂർണ്ണമായി സഹകരിക്കണമെന്നും പാസ്പോർട്ട് കോടതിയിൽ ഹാജരാക്കണമെന്നുമാണ് ഉപാധി. ഗുജറാത്ത് വംശഹത്യയിൽ മോദി ഉള്പ്പെടെയുള്ളവര്ക്ക് ക്ലീന്ചിറ്റ് നല്കിയ എസ്ഐടി നടപടിക്കെതിരായ ഹര്ജി സുപ്രീംകോടതി തള്ളിയതിനു പിന്നാലെ ജൂണ് 25നാണ് ഇവരെ അറസ്റ്റ് ചെയ്തത്.
