മാവേലിക്കര: കഞ്ചാവ് കേസില് പോലീസിനുനേരെ തോക്കു ചൂണ്ടിയ പ്രതി അറസ്റ്റില്. കാസര്ഗോഡ് കീത്താന് ബേക്കല് കോട്ട തെക്കുംപുറം വീട്ടില് ജാഫറി(29)നെയാണ് കുറത്തികാട് പോലീസ് അറസ്റ്റ് ചെയ്തത്. ഇയാളെ ബംഗളുരുവിലെത്തി കസ്റ്റഡിയിലെടുക്കാന് ശ്രമിക്കുന്നതിനിടെ പോലീസിനുനേരേ തോക്കു ചൂണ്ടി രക്ഷപ്പെടുകയായിരുന്നു. ഇതു സംബന്ധിച്ചു ബംഗളുരു എച്ച്.എസ്.ആര്. ലേ ഔട്ട് പോലീസ് കേസെടുത്തിട്ടുണ്ട്. ജാഫര് കുറ്റ്യാടിയില് എത്തിയതറിഞ്ഞ് കുറത്തികാട് പോലീസ് പേരാമ്പ്ര പോലീസിന്റെ സഹായത്തോടെയാണ് അറസ്റ്റ് ചെയ്തത്.
മാവേലിക്കര ഭരണിക്കാവ് വടക്കുംമുറിയില് കുഴിക്കാലത്തറയില് വിവേകിന്റെ വീട്ടില് പോലീസും നര്ക്കോട്ടിക് വിഭാഗവും നടത്തിയ പരിശോധനയില് എം.ഡി.എം.എയും കഞ്ചാവും കണ്ടെത്തിയിരുന്നു. ഇയാള്ക്കു ലഹരി സാധനങ്ങള് എത്തിച്ചുനല്കുന്നത് ജാഫറാണെന്നു ചോദ്യം ചെയ്യലില് വ്യക്തമാകുകയും ചെയ്തിരുന്നു. ഇതേത്തുടര്ന്നാണ് ഇയാളെ പിടികൂടാന് പോലീസ് കരുക്കള് നീക്കിയത്.
