കൊച്ചി: സോളാര്‍ ലൈംഗിക പീഡനക്കേസില്‍ ക്രൈം ബ്രാഞ്ച് സംഘം കൊച്ചി മരടിലെ ഹോട്ടലിലെത്തി തെളിവെടുപ്പ് നടത്തി. മുന്‍ മന്ത്രി എ. പി അനില്‍ കുമാറിനെതിരായ പീഡന കേസിലാണ് ക്രൈംബ്രാഞ്ച് അന്വേഷണം. പരാതിക്കാരിയുടെ സാന്നിധ്യത്തിലായിരുന്നു തെളിവെടുപ്പ് നടത്തിയത്.
കോണ്‍ഗ്രസ് നേതാക്കള്‍ക്കെതിരെ സോളാര്‍ സംരംഭക നല്‍കിയ പീഡന പരാതിയിലാണ് വര്‍ഷങ്ങള്‍ക്ക് ശേഷം ക്രൈംബ്രാഞ്ചിന്റെ അന്വേഷണം. പരാതികളില്‍ മൊഴി രേഖപ്പെടുത്തിയതിന് പിന്നാലെയാണ് അന്വേഷണ സംഘം തെളിവെടുപ്പിലേക്ക് കടന്നത്.
