സൂപ്പര്സ്റ്റാര് രജനികാന്തിന്റെ മൂത്ത മകള് ഐശ്വര്യ രജനികാന്തിന്റെ വീട്ടില് മോഷണം നടന്നതായി മാര്ച്ചില് വാര്ത്തകള് വന്നിരുന്നു. ഇപ്പോഴിതാ, രജനികാന്തിന്റെ ഇളയ മകള് സൗന്ദര്യ രജനികാന്തിന്റെ എസ്യുവിയുടെ താക്കോല് ആരോ മോഷ്ടിച്ചതായി പരാതി. ആഡംബര വാഹനമായ എസ്യുവിയുടെ താക്കോല് നഷ്ടപ്പെട്ടതായി സൗന്ദര്യ രജനീകാന്ത് പോലീസില് പരാതി നല്കി
താക്കോല് സൂക്ഷിച്ചിരുന്ന പൗച്ചടക്കം കാണാനില്ലെന്നാണ് പരാതി. തേനാംപേട്ട് പോലീസ് സ്റ്റേഷനിലാണ് സൗന്ദര്യ പരാതി നല്കിയത്. സൗന്ദര്യയുടെ പരാതിയുടെ അടിസ്ഥാനത്തില് പോലീസ് കേസെടുത്തു. ചെന്നൈയിലെ സ്വകാര്യ കോളേജിലെ ചടങ്ങിന് പോകാനായി മറ്റൊരു കാര് ഉപയോഗിച്ച ദിവസമാണ് താക്കോല് നഷ്ടപ്പെട്ടതെന്ന് സൗന്ദര്യ പരാതിയില് പറയുന്നു. ഡ്യൂപ്ലിക്കേറ്റ് താക്കോല് ലഭിക്കണമെങ്കില് ഒറിജിനല് താക്കോല് കാണാനില്ലെന്ന പോലീസ് പരാതി ആവശ്യമാണ്.
