ദില്ലി: ലൈംഗീക പീഡന ആരോപണം നേരിടുന്ന ബിജെപി എംപി ബ്രിജ് ഭൂഷണ് ശരണ് സിംഗിനെതിരെ ഗുസ്തി താരങ്ങള് നത്തുന്ന സമരത്തിന് രാഷ്ട്രീയ പാര്ട്ടികള് പിന്തുണ നല്കുന്നതിനെ വിമര്ശിച്ച് കേന്ദ്രമന്ത്രി അനുരാഗ് താക്കൂര്. സര്ക്കാര് കായിക താരങ്ങള്ക്കൊപ്പം തന്നെയാണെന്നും അനുരാഗ് താക്കൂര് വ്യക്തമാക്കി. സമരം രാഷ്ട്രീയ വേദി ആക്കി മാറ്റില്ല എന്ന് താരങ്ങള് പറഞ്ഞിട്ടും രാഷ്ട്രീയ നേതാക്കള് സമരവേദിയില് എത്തുന്നു. അന്വേഷണം നിയമപ്രകാരം തന്നെ നടക്കും. ദില്ലി പോലീസിന്റെ അന്വേഷണത്തില് വിശ്വസിക്കണമെന്നും കേന്ദ്രമന്ത്രി പറഞ്ഞു.
ഗുസ്തി താരങ്ങള് സമരം പ്രഖ്യാപിച്ച പശ്ചാത്തലത്തില് ദില്ലിയില് ഇന്ത്യാ ഗേറ്റിന് സമീപം കേന്ദ്രസേനയെ വിന്യസിച്ചിരിക്കുകയാണ്. ഗുസ്തി താരങ്ങള് ഇവിടെ നിരാഹാര സമരം നടത്തുമെന്ന് പ്രഖ്യാപിച്ചതിനെ തുടര്ന്നാണ് നടപടി. ഹരിദ്വാറില് ഗംഗയില് മെഡലുകളൊഴുക്കി ഇന്ത്യാ ഗേറ്റില് നിരാഹാരമിരിക്കുമെന്നാണ് ഗുസ്തി താരങ്ങള് ഇന്നലെ പ്രഖ്യാപിച്ചത്.
