തിരുവനന്തപുരം : സ്പ്രിംഗ്ളര്‍ വിവാദത്തില്‍ മുഖ്യമന്ത്രി പിണറായി വിജയനെതിരെ മുന്‍മുഖ്യമന്ത്രി ഉമ്മന്‍ ചാണ്ടി രംഗത്ത്. സ്പ്രിംഗ്ളര്‍ വിഷയത്തില്‍ മുഖ്യമന്ത്രിയുടെ മറുപടി ജനങ്ങള്‍ക്ക് ബോധ്യമായിട്ടില്ല. സംശയങ്ങള്‍ പലതും ഇനിയും ബാക്കിയാണ്. ഉത്തരം മുട്ടുമ്പോള്‍ മുഖ്യമന്ത്രി പിണറായി വിജയന്‍ കൊഞ്ഞനം കുത്തുകയാണെന്നും ഉമ്മന്‍ചാണ്ടി ആരോപിച്ചു. കൊവിഡ് പ്രതിരോധത്തിന് എന്ന പേരില്‍ നാട്ടിലെ സുപ്രധാനമായ ആരോഗ്യ വിവരങ്ങളാണ് വിദേശ കമ്പനിക്ക് കൈമാറാന്‍ ഒരുങ്ങുന്നത്. സ്പ്രിംഗ്ളര്‍ ഇടപാടില്‍ സര്‍വത്ര ദുരൂഹതയാണ്. വിദേശ നിയമത്തെ അടിസ്ഥാനമാക്കി ഒരു സംസ്ഥാനത്തിന് കരാര്‍ ഉണ്ടാക്കാനാകുമോ എന്നും ഉമ്മന്‍ചാണ്ടി ചോദിച്ചു. മറ്റൊരു വകുപ്പും അറിയാതെയാണ് കരാര്‍ എന്നതും ദുരൂഹമാണെന്നും അദ്ദേഹം പറഞ്ഞു.
