തിരുവനന്തപുരം : തിരുവനന്തപുരം പാറശാല ശ്രീകൃഷ്ണ കോവിഡ് സെന്ററിലെ കുളിമുറിയില്‍ മൊബൈല്‍ ക്യാമറ ഒളിപ്പിച്ച യുവാവ് പിടിയില്‍. ഡിവൈഎഫ്‌ഐയുടെ നെയ്യാറ്റിന്‍കര ചെങ്കല്‍ ഏരിയ കമ്മിറ്റി പ്രസിഡന്റ് ഷാലു(26)വാണ് പിടിയിലായത്.
കോവിഡ് കേന്ദ്രത്തില്‍ കഴിഞ്ഞിരുന്ന ഇയാള്‍ക്ക് കോവിഡ് നെഗറ്റീവായതിനെ തുടര്‍ന്ന് വീട്ടിലേക്ക് മടങ്ങാനിരിക്കെയാണ് സംഭവം. കോവിഡ് സെന്ററിലെ കുളിമുറിയില്‍ കയറിയ യുവതിയാണ് മൊബൈല്‍ ഫോണ്‍ ഓണായിരിക്കുന്നത് കണ്ടത്.
തുടര്‍ന്ന് ഇതേ സെന്ററിലുള്ള ബന്ധുവിനെ വിവരം അറിയിച്ചു. മൊബൈല്‍ ഇയാളുടേതാണെന്ന് തിരിച്ചറിഞ്ഞതോടെ കോവിഡ് സെന്റര്‍ അധികൃത യുവാവിനെ തടഞ്ഞുവെച്ച് പോലീസിനെ ഏല്‍പ്പിക്കുകയായിരുന്നു.
