ഉത്തർപ്രദേശ് : രാജ്യത്ത് നിന്ന് മാത്രമല്ല വിദേശത്ത് നിന്ന് വരെ അയോദ്ധ്യയിലേക്ക് ഭക്തജനങ്ങൾ ഒഴുകിയെത്തുകയാണ്. രാംലല്ലയെ ഒരു നോക്ക് കണ്ട് സായൂജ്യമടയാൻ ശ്രീലങ്കൻ എംപി നമൽ രാജപക്സെയും രാമക്ഷേത്രത്തിലെത്തി. ഭാര്യയും അദ്ദേഹത്തിനൊപ്പമുണ്ടായിരുന്നു. ദർശനം നടത്തിയതിന് പിന്നാലെ അനുഗ്രഹീതരായി എന്ന് ഇരുവരും വ്യക്തമാക്കി.
രാംലല്ലയെ ദർശിക്കാനായത് ഭാഗ്യമാണെന്നും എംപി പറഞ്ഞു. ശ്രീരാമചന്ദ്ര പ്രഭുവിന്റെ പഴയ പ്രതാപം വീണ്ടെടുത്തുവെന്ന് അദ്ദേഹം കൂട്ടിച്ചേർത്തു. രാമജന്മഭൂമിയിൽ എത്താൻ കഴിഞ്ഞതിൽ സന്തോഷമുണ്ട്. രാമായണവുമായി ഏറെ ബന്ധമുള്ള ശ്രീലങ്കയിൽ നിന്ന് എത്താൻ കഴിഞ്ഞതിനാലും ബുദ്ധമത സംസ്കാരവുമായി ഇടയടുപ്പവുമുള്ള സമൂഹത്തിൽ വളർന്നതിനാലും അയോദ്ധ്യ സന്ദർശനം ഇരട്ടി സന്തോഷമാണെന്ന് അദ്ദേഹം പറഞ്ഞു.
