പത്തനംതിട്ട : ശ്രീ സത്യസായി ബാബയുടെ ജന്മശതാബ്ദി ആഘോഷങ്ങളുടെ ഭാഗമായി ഭാരതം മുഴുവനും “ശ്രീ സത്യസായി പ്രേമ പ്രവാഹിനി” എന്ന രഥ൦ യാത്ര ആരംഭിച്ചു. സത്യസായി ബാബ ജനിച്ചിട്ട് 2025 നവംബർ 23 ന് നൂറ് വർഷം തികയുകയാണ്. ഇതിന്റെ ഭാഗമായാണ് വിപുലമായ പരിപാടികള് നടത്തുന്നത്. പത്തന൦തിട്ട ജില്ലയിൽ ഒക്ടോബർ 18,19 തീയതികളിൽ എത്തുന്ന ഈ രഥയാത്ര വിവിധ സ്ഥലങ്ങളിലെ സ്വീകരണങ്ങള് ഏറ്റുവാങ്ങി കൊല്ലം ജില്ലയിലേക്ക് കടക്കും. സെപ്റ്റംബർ 25 നാണ് വയനാടു വഴി കേരളത്തിലേക്ക് രഥയാത്ര പ്രവേശിച്ചത്.
പത്തനംതിട്ട ജില്ലയിലെ സ്വീകരണപരിപാടികള്ക്ക് വിപുലമായ സ്വാഗതസ൦ഘ൦ രൂപീകരിച്ചു. ഡോ.സി.ബി. വിപിനചന്ദ്രൻ നായർ ചാങ്ങേത്ത്, എ൦.കെ.രവീന്ദ്രനാഥ് കല്ലറേത്ത് എന്നിവർ രക്ഷാധികാരികളായ കമ്മിറ്റിയില് മുൻ ജില്ലാ പ്രസിഡൻറ്മാർ, ഭാരവാഹികൾ, സജീവ പ്രവർത്തകർ എന്നിവരടങ്ങുന്ന 101 പേര് ഉണ്ടാകും. മധുസൂദനൻ നായർ ഓമല്ലൂർ, ജനറൽ കൺവീനറായും വിവിധ വിഭാഗങ്ങളിൽ കോർഡിനേറ്റർമാരായി കൃഷ്ണകുമാർ പന്തളം, സുദർശനൻ നായർ (പബ്ളിസിറ്റി), ജയ് പാല് ഏഴംകുളം, ഷാജി പത്തനംതിട്ട (വാഹനം), പെരുനാട് ശിവകുമാർ, സച്ചിൻ കെ അജയ്, ബിജേഷ് മണ്ണടി (രഥ൦ ഇൻചാർജ്) എന്നിവരെയും മഹിളാ കോഡിനേറ്റർമാരായി രമാശങ്കർ, സതീദേവി, രഞ്ജിനി, ലീനാകുമാരി, പ്രസന്ന അശോക് എന്നിവരെയും തെരഞ്ഞെടുത്തുവെന്ന് ശ്രീ സത്യസായി സേവാ സംഘടന
പത്തനംതിട്ട ജില്ലാ പ്രസിഡന്റ് എം.ജയപ്രകാശ് അറിയിച്ചു.
