തിരുവനന്തപുരം : എസ്എസ്എല്സി പരീക്ഷാഫലം ജൂലൈ ആദ്യവാരത്തില് പ്രഖ്യാപിക്കും. തൊട്ടടുത്ത ദിവസങ്ങളില് തന്നെ ഹയര്സെക്കന്ഡറി പരീക്ഷാഫലവും പ്രഖ്യാപിക്കാനാണ് തീരുമാനം. ഈ മാസം അവസാനത്തോടെ എസ്എസ്എല്സി മൂല്യനിര്ണയം അവസാനിക്കാനാണ് സാധ്യത.
കഴിഞ്ഞ തിങ്കളാഴ്ചയാണ് എസ്എസ്എല്സി രണ്ടാംഘട്ട മൂല്യനിര്ണയം ആരംഭിച്ചത്. പല മൂല്യനിര്ണയ ക്യാമ്പുകളിലും അധ്യാപകര് കുറവാണ്. അതിനാല് തന്നെ പതുക്കെയാണ് മൂല്യനിര്ണയം മുന്നോട്ടു പോകുന്നത്. ടാബുലേഷനും മാര്ക്ക് ഒത്തുനോക്കലും നടത്തേണ്ടതായുണ്ട്. അതിനു ഒരാഴ്ച സമയം വേണം. ജൂലൈ ആദ്യ ആഴ്ചയില് തന്നെ ഫലം പുറത്തുവിടാന് സാധിക്കുമെന്നാണ് വിദ്യാഭ്യാസവകുപ്പ് അധികൃതര് വ്യക്തമാക്കുന്നത്.
