റാന്നി: അടയ്ക്കാമരം ഒടിഞ്ഞു പുഴയിൽ വീണു തൊഴിലാളിക്ക് ദാരുണാന്ത്യം. അടിച്ചിപ്പുഴ വടക്കേതിൽ സുനിൽ(45 ) ആണ് മരണപ്പെട്ടത്. അടയ്ക്ക പറിക്കാൻ കയറുന്നതിനിടെ മരം ഒടിഞ്ഞു പുഴയിലേക്ക് വീഴുകയായിരുന്നു. വീഴ്ച്ചയുടെ ആഘാതത്തിൽ സാരമായ പരിക്കു പറ്റിയ സുനിൽ വീണത് നദിയുടെ ആഴമേറിയ ഭാഗത്തു ആയതും നാട്ടുകാർക്ക് ഉൾപ്പെടെ രക്ഷപെടുത്തുന്നതിനു തടസ്സമായി. പെരുനാട് മടത്തുംമൂഴി വലിയ പാലത്തിനോട് ചേർന്ന് ഇന്നു ഉച്ചക്ക് ശേഷം രണ്ടുമണിയോടെയാണ് സംഭവം. നാട്ടുകാരും മറ്റും അറിയിച്ചതിനെ തുടർന്ന് പെരുനാട് പോലീസും റാന്നി ഫയർആൻഡ് റെസ്ക്യു ടീമും പത്തനംതിട്ട സ്കൂബ ടീമും സ്ഥലത്തെത്തിയെങ്കിലും സുനിൽ മരണപ്പെട്ടിരുന്നു. ഇൻക്വസ്റ് നടപടികൾ പൂർത്തിയാക്കിയ മൃതദേഹം പോസ്റ്റുമോർട്ടം നടപടികൾക്കായി പത്തനംതിട്ട ജനറൽ ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണ്. സംസ്കാരം പിന്നീട്
