കൊച്ചി: ഭാരത് ജോഡോ യാത്ര കാരണം റോഡുകളില് ഗതാഗതസ്തംഭനം ഉണ്ടാകുന്നുവെന്ന് ആരോപിച്ച് ഹൈക്കോടതിയില് ഹർജി. കോൺഗ്രസ് നേതാവ് രാഹുല് ഗാന്ധി നയിക്കുന്ന ഭാരത് ജോഡോ യാത്ര കടന്നു പോകുന്ന വഴികളിലെല്ലാം ഗതാഗതസ്തംഭനമുണ്ടെന്നും റോഡ് പൂർണമായി ജോഡോ യാത്രക്കാർക്കായി വിട്ടു കൊടുക്കുന്ന അവസ്ഥയാണെന്നും ഹർജിയില് പറയുന്നു. ഹൈക്കോടതിയിലെ ഒരു അഭിഭാഷകനാണ് ഹർജിക്കാരന്. ഗതാഗതതടസ്സം ഒഴിവാക്കാന് ഭാരത് ജോഡോയാത്ര ദേശീയപാതയുടെ ഒരുഭാഗത്ത് കൂടി മാത്രമാക്കണമെന്നും മറുഭാഗം ഗതാഗതത്തിനായി തുറന്നു കൊടുക്കാന് നിർദേശിക്കണമെന്നും ഹർജിയില് ആവശ്യപ്പെടുന്നു.
