തിരുവനന്തപുരം : വികസനത്തിന് ചൈനീസ് മോഡല് സ്വീകരിക്കുമെന്ന് ബജറ്റ് പ്രസംഗത്തില് ധനമന്ത്രി കെഎന് ബാലഗോപാല്. 1970 ൽ ചൈനയിൽ സ്വീകരിച്ച ഡവലപ്മെന്റ് മാതൃക കേരളത്തിന് സ്വീകരിക്കാവുന്നതാണെന്ന് ധനമന്ത്രി വ്യക്തമാക്കി. ഇതിനായി ഡെവലപ്മെന്റ് സോണ് കൊണ്ടുവരും. പ്രവാസി മലയാളികൾ അടക്കമുള്ളവരെ ഉൾപ്പെടുത്തി സ്പെഷ്യൽ ഡെവലപ്മെന്റ് സോൺ കൊണ്ടുവരും. വിഴിഞ്ഞത്തെ സ്പെഷ്യല് ഹബ്ബാക്കും. പ്രതീക്ഷ പങ്കുവെച്ചുകൊണ്ടാണ് ബജറ്റ് അവതരണം ആരംഭിച്ചത്.
തകരില്ല കേരളം തളരില്ല കേരളം. കേരളത്തെ തകര്ക്കാന് കഴിയില്ല എന്ന് പറഞ്ഞാണ് ബജറ്റ് അവതരണം ആരംഭിച്ചത്. ഭാവി കേരളത്തിന്റെ വികസന കവാടമാണ് വിഴിഞ്ഞമെന്ന് ധനമന്ത്രി പറഞ്ഞു. വിഴിഞ്ഞം -നാവായിക്കുളം റിങ് റോഡ് സമയ ബന്ധിതമായി പൂർത്തിയാക്കും.ഇന്നത്തെ കേരളം മാറി. കേരളത്തിന്റെ സമ്പത്ഘടന ‘സൂര്യോദയ’ സമ്പത്ഘടനയായി മാറിയെന്നും അദ്ദേഹം വ്യക്തമാക്കി.
