തിരുവനന്തപുരം : സിപിഎം യുവ നേതാവും സംസ്ഥാന യുവജനക്ഷേമ ബോര്‍ഡ് വൈസ് ചെയര്‍മാനുമായ പി.ബിജു അന്തരിച്ചു. കൊവിഡ് ബാധിച്ച്‌ ചികിത്സയിലിരിക്കെ ഇന്ന് രാവിലെ എട്ടേകാലോടെയായിരുന്നു അന്ത്യം. കൊവിഡ് ചികിത്സയിലിരിക്കെ ബിജുവിന്റെ ആരോഗ്യനില കൂടുതല്‍ വഷളായിരുന്നു. കടുത്ത പ്രമേഹത്തെ തുടര്‍ന്ന് ഇരു വൃക്കകളുടെയും പ്രവര്‍ത്തനം തടസ്സപ്പെട്ടു. രണ്ട് ദിവസമായി വെന്‍റിലേറ്റര്‍ സഹാത്തോടെയാണ് ജീവന്‍ നിലനിര്‍ത്തിയിരുന്നത്. സിപിഎം തിരുവനന്തപുരം ജില്ലാ കമ്മിറ്റി അംഗമായി പ്രവര്‍ത്തിക്കവെയാണ് അന്ത്യം.
