രജൗരി: ജമ്മുവിലെ രജൗരിയില്‍ പടക്കങ്ങളുടെ വില്‍പ്പനയും ഉപയോഗവും നിരോധിച്ചു. സുരക്ഷാ കാരണങ്ങള്‍ മുന്‍നിര്‍ത്തിയാണ് നിരോധനം ഏര്‍പ്പെടുത്തിയിരിക്കുന്നത്. സമാനമായ ഉത്തരവ് ജില്ലാ മജിസ്ട്രേറ്റ് പൂഞ്ചില്‍ പുറപ്പെടുവിച്ചതിന് പിന്നാലെയാണ് രജൗരി ജില്ലയില്‍ നിരോധനം ഏര്‍പ്പെടുത്തിയത്. ഉത്തരവ് കര്‍ശനമായി പാലിക്കുന്നുണ്ടെന്ന് ഉറപ്പ് വരുത്താന്‍ എല്ലാ ഉദ്യോഗസ്ഥരും ശ്രദ്ധിക്കണമെന്ന് ജില്ലാ മജിസ്ട്രേറ്റ് വികാസ് കുണ്ഡല്‍ നിര്‍ദ്ദേശിച്ചു.
ഈ ദിവസം മുതല്‍ പ്രദേശത്ത് പടക്ക നിര്‍മ്മാണം, വില്‍പ്പന, ഉപയോഗം എന്നിവ പൂര്‍ണ്ണമായി നിരോധിച്ചിരിക്കുന്നു,” എന്നായിരുന്നു ഉത്തരവ്. ജില്ലയിലെ വിവാഹ ആഘോഷങ്ങള്‍ക്കിടയില്‍ പടക്കം പൊട്ടിക്കുന്നത് പതിവാണ്. ഇത് പോലീസിനും പട്ടാളക്കാര്‍ക്കുമിടയില്‍ ആശയക്കുഴപ്പമുണ്ടാക്കുന്നുണ്ട്. പലപ്പോഴും സേനയിലെ ഉദ്യോഗസ്ഥര്‍ക്ക് പ്രത്യാക്രമണം നടത്തുന്നതില്‍ കാലതാമസമുണ്ടാകാനും ഇത് കാരണമാകുന്നുവെന്നും ഉത്തരവില്‍ പറയുന്നു.
