മല്ലപ്പള്ളി : ചുങ്കപ്പാറ – ആലപ്ര ക്കാട് റോഡിൽ തെരുവ് നായ ശല്യം രൂക്ഷം. ഇരുചക്രവാഹന യാത്രക്കാർക്കും കാൽ നടയാത്രക്കാർക്കും തെരുവ് നായകൾ ഭീഷണിയായായിരിക്കുകയാണ്. റോഡിന്‍റെ വശങ്ങളിൽ മാലിന്യം തള്ളുന്നതാണ് തെരുവുനായ ശല്യം വർദ്ധിക്കാൻ കാരണം. ഇവിടെ മാലിന്യം തള്ളുന്നതിനെതിരെ നാട്ടുകാര്‍ പഞ്ചായത്തില്‍ പരാതി നല്‍കിയിരുന്നെങ്കിലും നടപടിയൊന്നും ഇതുവരെ ഉണ്ടായിട്ടില്ല. തെരുവുനായ ശല്യത്തിനെതിരെ നടപടി സ്വീകരിക്കണമെന്ന് നാട്ടുകാര്‍ അധികൃതരോട് ആവശ്യപ്പെട്ടു.
