തിരുവനന്തപുരം: സന്ദീപാനന്ദ ഗിരിയുടെ കുണ്ടമണ്കടവിലുള്ള ആശ്രമം കത്തിച്ച സംഭവത്തില് പ്രതി ആര്എസ്എസ് പ്രവര്ത്തകനെന്ന വെളിപ്പെടുത്തലിനോട് പ്രതികരിച്ച് ബിജെപി അധ്യക്ഷന് കെ സുരേന്ദ്രന്. വെളിപ്പെടുത്തല് കോര്പ്പറേഷന് വിഷയത്തില് നിന്ന് ശ്രദ്ധ തിരിക്കാനുള്ള നീക്കത്തിന്റെ ഭാഗമാണെന്ന് സുരേന്ദ്രന് പറഞ്ഞു. മരിച്ചുപോയ ഒരാളെയാണ് പ്രതിയായി പറയുന്നത്. ഇങ്ങനെയെങ്കില് ആര്യ രാജേന്ദ്രന്റെ കത്തയച്ചതും മരിച്ച ഒരാള് എന്ന് പറഞ്ഞാല് പോരെയെന്നും ആശ്രമം കത്തിച്ചെന്നതിലെ വെളിപ്പെടുത്തല് കള്ളക്കേസാണെന്നും സുരേന്ദ്രന് കൂട്ടിച്ചേര്ത്തു.
തിരുവനന്തപുരം കുണ്ടമണ്കടവിലുള്ള ആശ്രമത്തിന് തീയിട്ടത് പ്രദേശവാസിയായ പ്രകാശ് എന്ന ആര്എസ്എസ് പ്രവര്ത്തകനും കൂട്ടുകാരും ചേര്ന്നാണ് എന്നാണ് സഹോദരന് പ്രശാന്തിന്റെ വെളിപ്പെടുത്തല്. എന്നാല് പ്രകാശ് ഈ മാസം ജനുവരിയില് ആത്മഹത്യ ചെയ്തിരുന്നു. ആത്മഹത്യയില് ഒപ്പമുള്ള ആര്എസ്എസ് പ്രവര്ത്തകര്ക്ക് പങ്കുണ്ടെന്നും വെളിപ്പെടുത്തിയതിന്റെ പശ്ചാത്തലത്തിലാണ് സുരേന്ദ്രന്റെ പ്രതികരണം.
2018 ഒക്ടോബര് 27-ന് പുലര്ച്ചെ കുണ്ടമണ്കടവിലെ ആശ്രമത്തിലുണ്ടായ തീപ്പിടിത്തത്തില് രണ്ട് കാറടക്കം മൂന്ന് വാഹനങ്ങള് കത്തിനശിക്കുകയും ആശ്രമത്തിന് കേടുപാടുണ്ടാവുകയും ചെയ്തിരുന്നു. കത്തിച്ചശേഷം ആശ്രമത്തിനുമുന്നില് ആദരാഞ്ജലികള് എന്നെഴുതിയ റീത്തും ആക്രമികള് വെച്ചിരുന്നു.
